ОХУ-ын Санкт-Петербург хотноо Гирийн спортын Дэлхийн цомын тэмцээнд Монгол тамирчин Төрийн далбаагаа мандууллаа.

Уг тэмцээнд ОХУ-ын Кострома хотын Цацраг, хими, биологоос хамгаалах цэргийн академийн 3 дугаар дамжааны сонсогч дэд ахлагч Энхбаатарын Буджав оролцож огцом ба түлхэлттэй төрөл (биатлон) -д өрсөлдөгч тамирчдаас хол тасархай түрүүлэн алтан медаль авч, Монгол Улсынхаа алтан соёмбот төрийн далбааг мандуулж, Зэвсэгт хүчний алба хаагч хэмээн дуудуулж, Монгол улсынхаа Зэвсэгт хүчний нэрийг өндөрт өргөлөө.

Уг тэмцээнд ОХУ, Узбекистан, Киргизстан, Тажикистан, Серби, Монгол улсын тамирчид оролцсон юм.