Монголын волейболын үндэсний Дээд лигийн аварга шалгаруулах тэмцээн эдгээр өдрүүдэд зохион байгуулагдаж байна. 

Тэгвэл энэ сарын 17-ны өдөр "Хөвсгөл-Эрчим" баг "Хилчин" багтай тоглож, 3:0 харьцаатайгаар хожиж, аваргын төлөөх таван цуврал тоглолтын хоёр дахь хожлоо авлаа. Дараагийн тоглолт энэ сарын 20-ны өдөр болох бөгөөд тус тоглолтод Хөвсгөл-Эрчим баг ялвал энэ жилийн лигийн аварга болох боломжтой юм. 

Энэ жил Дулааны 4-р цахилгаан станц ТӨХК, Хөвсгөл рашаан 7 од клубийн хамтарсан баг Ц.Амарсанаа эзэнтэйгээр тоглож байгаа юм. 

Энэ удаагийн тэмцээнд Монголын спортын түүхэнд анх удаа 4D Replay 360 тойрсон камерын систем буюу дэлхийн хамгийн шинэлэг технологийг эх орондоо нэвтрүүлсэн юм.