Ой тогтоолтын Азийн холбооноос зохион байгуулж буй Ази тивийн аварга шалгаруулах нээлттэй тэмцээн өнгөрсөн амралтын өдрүүдэд болсон.

Тус тэмцээнд долоон улсын 82 тамирчин харааны болон сонсголын ой тогтоолтыг сорьсон 10 төрлөөр хоёр өдрийн турш өрсөлдөж аваргуудаа тодруулж, Монгол Улсын баг тамирчид таван рекордыг шинэчлэн тогтоолоо.

Уг тэмцээний Таван минутын "Зураг" төрөлд өсвөр насны ангилалд анхны олон улсын тэмцээндээ оролцож буй Глобаль сургуулийн 13 настай,  Б.Анужин "450"зураг алдаагүй тогтоон өсвөрийн дэлхийн рекордыг шинэчиллээ.