Сербийн Белград хотод болж байгаа чөлөөт бөхийн ДАШТ-ий 6 дахь өдөр эмэгтэйчүүдийн 53 кг, 62 кг, 68 кг, 72 кг-ын жингийн медалийн төлөөх барилдаанууд боллоо.

Эмэгтэй 72 кг-д Энх-Амарын ДАВААНАСАН Польшийн Ивона Стрзалкаг 8:1 оноогоор, дараагийн даваанд Болгарын С.Георгиеваг 9:1 оноогоор ялж, шөвгийн дөрөвт гарсан. Хагас шигшээд ДАШТ-ий хошой мөнгөн медальт, Азийн гурван удаагийн аварга Казахстаны Жамила Бакбергеноваг 6:3 ялж, алтан медалийн төлөө барилдахаар шалгарсан юм.

Өчигдөр 00.00 цагаас манай тамирчин алтан медалийн төлөө АНУ-ын Амит Елортой барилдаж, 8:2 оноогоор ялагдсан ч мөнгөн медаль зүүлээ.