Аэробик гимнастикийн 8 дахь удаагийн Ази Тивийн аварга шалгаруулах тэмцээн Монгол Улсын нийслэл Улаанбаатар хотноо “Буянт-Ухаа спорт цогцолбор”-т гурван өдрийн турш амжилттай зохион байгуулагдаж өндөрлөлөө. Тэмцээнд 11 орны 200 орчим тамирчин гурван насны ангиллын 17 төрөлд өрсөлдсөн юм.

Манай улсын баг тамирчдын хувьд нийт төрлүүдээс 2 мөнгө, 5 хүрэл медаль хүртээд байсан. Тэгвэл тэмцээний хамгийн сүүлийн өдрийн хамгийн сүүлийн төрөл болох аэробик бүжгийн төрлөөс энэ удаагийн тэмцээний анхны алтан медалийг хүртлээ.

Монголын насанд хүрэгчдийн аэробик бүжгийн баг:

• Чинбат Батбуян
• Өнөрбаярын Ёолк
• Батсайханы Пүрэв-Эрдэнэ
• Батдэлгэрийн Шүрэнцэцэг
• Юмсүрэнмөнхийн Мөнхтуяа
• Мөнхцэцэгийн Буяндэлгэр
• Мянганбуугийн Хонгорзул
• Баасанжавын Чингүүнжав