“Ташкент-2022” Дэлхийн аварга шалгаруулах тэмцээний 6 дахь өдөр эмэгтэйчүүдийн +78 кг-ын жингийн барилдаанаар үргэлжилж байна.

+78 кг-ын жинд үндэсний шигшээ баг, “Алдар” спорт хорооны тамирчин ОУХМ А.Адъяасүрэн 1/8 шигшээд олимпийн 1 алт, 2 мөнгө, 1 хүрэл, дэлхийн 8 медальтай Кубын алдарт жүдоч Идалис Ортизтэй хүч үзэв. Тус барилдаанд манай бөх алдарт аваргатай тун зоригтой, шийдэмгий барилдсан ч хэн хэн нь үнэлгээ аваагүй бөгөөд торгуулиар цэвэр ялагдаж тэмцээнээ өндөрлүүллээ.