Токио 2020 паралимпын сүүлийн өдөр буюу есдүгээр сарын 5-ны өдөр зохион байгуулагдсан эрэгтэйчүүдийн марафоны төрөлд Фарерын арлыг төлөөлөн 45 настай тамирчин Харвард Бартунхамал оролцжээ.

Тэрээр баруун гаргүй бөгөөд туршлага багатайн улмаас тэмцээнд сүүл мушгиж  явсан ч тэмцээнийг үзэхээр замын хажууд зогсох хүмүүстэй найрсгаар мэндчилэн, гараараа даллан явжээ.

Ийнхүү тэмцээнийхээ дундуур гэнэт зогсож хүмүүс рүү харан бөхийж хүндлэл үзүүлсэн байна. Харвард Бартунхамал ийн явсаар 2 цаг 58 мин 27 секундын амжилтаар 10-р байр эзэлжээ.

Тэрээр тэмцээний дундуур зогсож бөхийсөн талаараа өөрийн твиттер хуудсанд “Токиогийн ард иргэдэд бага ч болов баяр баясал бэлэглэж чадсандаа туйлын их баяртай байна.” хэмээн хэлж өөрийн талархсан сэтгэлээ илэрхийлэхийг хүссэн гэдгээ хуваалцжээ.

Цар тахлын хүнд нөхцөл байдалд зохион байгуулагдаж буй Паралимпын наадамд тэмцээнээ үл хайхран Япончуудад талархсан сэтгэлээ илэрхийлж бөхийсөн нь олон хүний хайр хүндэтгэлийг хүртэж байна.