Өвөрхангай аймгийн Хужирт сумын 80 ойн наадам өнөөдөр эхлэж байна. Энэхүү наадамд мэргэжлийн сумо бөхийн 68 дахь их аварга Д.Дагвадорж төрөлх сумынхаа наадамд зодоглож байгаа аж. Одоогоор нэгийн даваа үргэлжилж байгаа бөгөөд аварга нэг давсан байна. Тэрээр наадмын өмнөхөн “Хужиртын наадамдаа зодоглодог юм бил үү, хорхой хүрчлээ” гэсэн тайлбартайгаар зодог, шуудаг өмссөн зургаа олон нийтийн сүлжээнд тавьж байсан юм.