Оросын аварга шалгаруулах мотоциклийн бартаат замын уралдаан өнгөрсөн сарын 28-29 ний өдрүүдэд Эрхүү мужийн Ангарск хотноо болжээ. Энэхүү тэмцээнд манай улсын Автомашин мотоциклийн спортын холбооны мотоспортын тамирчид амжилттай оролцож, хоёр алт, гурван хүрэл медаль хүртсэн байна.

Ази тивийн аварга ОУХМ Э.Халиунболд 250 сс, 450 сс ангилалд түрүүлж, хошой алтан медаль хүртсэн бол ОУХМ Х.Тэмүүжин дээрх ангилал тус бүрт хүрэл медаль хүртжээ. 

Мөн 250 сс ангилалын ОХУ-ын залуучуудын улсын аваргын уралдаанд спортын мастер Х.Мөнхболор гуравдугаар байр эзэлж, хүрэл медалийн тавцанд зогссон амжилт үзүүлсэн байна.