МХБХ-ноос зохион байгуулдаг дээд зэрэглэлийн тэмцээнүүдийн нэг “Боргио Цом  2014” тэмцээний хагас шигшээ тоглолт өчигдөр болж өндөрлөлөө. Тоглолт  “Эрчим” – “Континенталь” , “Хангарьд” – “Буянт-Ухаа” багуудын хооронд явагдлаа. Өнөөдөр буюу 6-р сарын 23-ны 14:00 цагт МХБХ-ны "Цэнгэлдэх хүрээлэн"-д финалын тоглолтууд явагдана.
“Континенталь” 1:3 “Эрчим”
Тоглолтын 32’ 39’ 66 дахь минутуудад “Эрчим” багийн тамирчин Г.Батбилгүүн,  С.П.Зоран, Э.Чинбаатар нар гоол хийсэн бол “Континенталь” багийн цорын ганц гоолыг 69 дэх минутад Д. Эрдэнэ-Очир орууллаа.
“Хангарьд”  2:1 “Буянт-Ухаа”
Спортын мастер С.Пүрэвсүх, С.Эрдэнэбат, Э.Шинэбаяр, Б.Буман-Учрал, Ц. Энхтөр, С.Гэрэлт-Од, Г.Даваа-Очир, Д.Баярзориг, Г.Мөнгөнхуяг, П.Жаргалсайхан, С.Мөнхгал, Б.Бямбарагчаа нараар багаа бүрдүүлсэн “Буянт-Ухаа” баг, Орхон аймгийн Хангарьд багуудын хооронд ширүүхэн өрсөлдөөн өрнөлөө. Тоглолтын 28 дахь минутад “Хангарьд” багийн тоглогч 17 дугаартай С.Ганхуяг эхний гоолыг оруулсан. Харин тоглолтын 2-р хагасын 74 дэхь минутад “Буянт-Ухаа” багийн тамирчин 12 дугаартай  Д.Баярзориг хариу гоол хийж тоглолт 1:1 харьцаатайгаар үргэлжилсэн. Гэвч тоглолтын цаг дуусахаас 7 минутын өмнө буюу 83 дахь минутад “Хангарьд”-ын тоглогч 9 дугаартай О.Мижиддорж өрсөлдөгчийнхөө хаалганд гоол оруулж тоглолтын харьцааг 2:1 болголоо.