Монгол улсын аварга шалгаруулах модон бөмбөгийн 2014 оны тэмцээн зургадугаар сарын 13-15-ны өдрүүдэд Гачуурт тосгоны “Монгол шилтгээн” жуулчны баазын модон бөмбөгийн талбайд болж өнгөрлөө.  Тэмцээний мөнгөн шагналын сан нь 1 сая 900 мянган төгрөг байсан юм. Цохилтын эрэгтэй ганцаарчилсан төрөлд 11 байгууллагын 47 тамирчид орж арга техникээ сорин өрсөлдөж  Дарханы Дулааны Цахилгаан станцын (ДЦС)-ын тамирчин Д. Отгонпурэв түрүүлж УАШТ-нээс анхны удаагаа алтан медаль хүртсэн бол энэ багийн тамирчин Д. Мөнх-Оргил мөнгөн медаль зүүж, Багануур ХК-ны тамирчин, спортын мастер Б. Мөнхбат 3 дугаар байрт орж хүрэл медалийн эзэн боллоо.Тэмцээнийг Модон бөмбөгийн холбооны хүндэт Ерөнхийлөгч, УИХ-ын гишүүн, Эрчим хүчний сайд М.Сономпил дэмжин, зохион байгууллаа.