Сагсан бөмбөгийн УАШТ өнөөдрөөс эхлэн гурван өдрийн турш Спортын төв ордонд болно. Тус тэмцээнд эрэгтэй 18, эмэгтэй 4 баг оролцож байгаа бөгөөд өнөөдөр 10:20 цагт эмэгтэй багын Ёлууд баг ШУТИС-ын багтай тоглосноор тэмцээн эхэллээ. Тус тоглолтонд Ёлууд баг өрсөлдөгчөө 67:78-ын харьцаатай хожиж анхны ялалтаа байгууллаа. УАШТ нь энэ жил анх удаа А зэрэглэлээр болж байгаа бөгөөд ирэх жилээс А,В гэсэн хоёр зэрэглэлээр тэмцээн зохион байгуулагдах юм байна. А зэрэглэлд нь мэргэжлийн тамирчид тоглох бөгөөд В зэрэглэлд нь сонирхогчийн баг тамирчид тоглох юм байна. Мөн тун удахгүй 70 орчим хүний бүрэлдэхүүнтэй хүүхэд залуучуудын баг АНУ-ын мужуудад уулзалт тоглолтоо хийх юм байна.