БРАЗИЛИА. /NHK/. Бразилд удахгүй эхлэх гэж буй хөл бөмбөгийн ДАШТ-ийг зохион байгуулж буй хорооны мэдэгдсэнээр, цэнгэлдэх хүрээлэнгүүдийг барих ажил саатаж байгаатай холбогдуулан 1300 гаруй хүн тасалбараа солиулах шаардлагатай болжээ.
Энэ пүрэв гарагт эхлэх ДАШТ-ий гурван сая орчим тасалбар борлогдсон байна. Гэхдээ зохион байгуулагчдынх нь мэдэгдсэнээр, тасалбар авсан 1376 хүн суудлаа солиулах шаардлагатай байгаа юм. Учир нь зарим суудал төлөвлөсний дагуу бэлэн болж амжихгүй аж. Тасалбар авсан тэдгээр хүнд ижил ангиллын өөр суудлын тасалбар өгнө.