Жүдо бөхийн олимпийн эрхийн оноо олгох "Баку-2016"  Их дуулга тэмцээний 60 кг-ийн жинд 2014 оны дэлхийн аварга,  Монгол Улсын гавьяат тамирчин Ганбатын Болдбаатар аваргалж, алтан медаль хүртлээ.




Тэрээр эхний тойргуудад Ливан, ОХУ, Их Британи, Узбекистаны бөхчүүдийг ялж, шигшээд шалгарсан ба аваргын төлөө Японы бөх Рюүжү Нагаямаг цэвэр ялснаар чансаагаа 500 оноогоор нэмэх боломжтой боллоо. Ингэснээр 60 кг-ийн дэлхийн чансааг 2151 оноогоор тэргүүлэх боломжтой боллоо.