Хүндийн өргөлтийн Азийн аварга шалгаруулах тэмцээн Узбекийн нийслэл Ташкент хотод болж байгаа. Энэ тэмцээн нь ирэх "Рио-2016"-д олимпийн эрх олгох учир илүү ач холбогдолтой байсан. Тэгвэл  эмэгтэйчүүдийн 75 кг-ын жинд Монгол Улсын иргэн, М.Анхцэцэг огцом өргөлт 112 кг, түлхэлтээр 132 кг, нийлбэрээр 244 кг-ыг өргөн Монголын хүндийг өргөгчдөөс анх удаа Азийн аваргын алдрыг хүртлээ.

Одоо тэрбээр дөнгөж 18 настай бөгөөд удахгүй болох “Рио-2016” олимпт хүч үзэхээр болж байна.  Тэрээр Ташкент хотод өөрөөсөө хамаагүй туршлагатай, ахмад настай Япон, Энэтхэг, БНСУ, Тайвань, Узбекийн тамирчдын урд гишгэж, Азийн аварга болоод байна.