Монгол Улсын Ерөнхийлөгч Ц.Элбэгдорж өнөөдөр салбартаа амжилт гаргасан иргэдэд Төрийн дээд шагнал гардуулах юм байна.

Спортын салбараас бодибилдингийн ДАШТ-ээс анхны алтан медалийг эх орондоо авчирсан Ж.Нурлан, Холимог тулааны дэлхийн аварга асан Ж.Нарантунгалаг нарт Монгол Улсын гавьяат тамирчин цол хүртээхээр болжээ.

Монгол Улсын эмэгтэй шатарчдаас төрсөн хоёр дахь их мастер Т.Батчимэг, нисэх загварын спортын анхны дэлхийн аварга М.Гонгор нар мөн Монгол Улсын гавьяат тамирчин болох нь ээ.

Монголын Паралимпийн хорооны дэд ерөнхийлөгч Д.Сүрэнхорлоо Эрүүлийг хамгаалахын гавьяат зүтгэлтэн цолоор шагнуулах юм байна.

Биеийн тамир, спортын салбараас төрөн гарсан шинэхэн гавьяатуудыг ЭМС-ын сайдын үүрэг гүйцэтгэгч Ц.Оюунбаатар, Биеийн тамир, спортын хөгжлийн төвийн захирал Д.Жаргалсайхан нар ЭМСЯ-ны хурлын танхимд өнөөдөр 14.00 цагаас хүлээн авч уулзан баяр хүргэнэ.