Мэргэжлийн сүмогийн гуравдугаар сарын тэмцээн буюу Хару башё өчигдөр эхэлсэн. Эхний өдөр Хакүхо аварга Такарафүжид, Какүрюү Тоёоношимад өвдөг шороодсон бол өнөөдөр Какүрюү аварга маэгаширагийн нэгт бичигдсэн Такаямутай барилдан, ёрикири мэхээр эхний даваагаа авлаа. Маргааш Какүрюү аварга Окиноумитэй хүч үзнэ. Хакүхо аварга өнөөдөр Котоюүкитэй барилдаж ёкозүна цолтойгоор 671 дэх даваагаа авч, бүх цаг үеийн дээд амжилтыг эвдэж байна. Энэ нь 32 жил эвдэгдээгүй Китаноуми аваргын амжилт юм.