Өнгөрсөн шөнө "Ливерпүүл" клуб өөрийн Энфил цэнгэлдэхдээ "Стоүк Сити"-г хожсоноор Лигийн цомын финалд шалгарахын зэрэгцээ тус багт талбайдаа хожигдолгүй явж ирсэн амжилтаа хадгаллаа. "Стоүк" лигийн цомын хүрээнд "Ливерпүүл"-тэй долоон удаа тоглохдоо нэг тэнцэж, зургаа хожигдсон үзүүлэлттэй болоод байна.

Тоглолтын дараа багийн дасгалжуулагч “Уур амьсгал маш онцгой байсан. Тоглоход хэцүү багийн эсрэг манай тал сайн тоглосон. Тэд ч өнөөдөр тоглолтынхоо хэв маягийг өөрчилсөн. Иймээс хамгаалахад хэцүү байсан. Тэдний гоол "отон" байсан ч эцэст нь бид пеналт цохих азтай байлаа. Бүхэл бүтэн 120 минутын эцэст тоглогчид, дэмжигчид болон Ливерпүүл үүнийг хүртэх эрхтэй” гэв.