Олон улсын хөлбөмбөгийн холбооны(FIFA) төв штаб байрладаг Швейцарийн Цюрих хотноо 2015 оны дэлхийн шилдэг хөлбөмбөгчийг тодруулах ёслолын ажиллагаа өчигдөр болж өнгөрлөө. Энэ удаагийн шалгаруулалтад Л.Месси 41,33 хувийн санал авч “Алтан бөмбөг”-ийг тав дахь удаагаа хүртлээ. Түүний хувьд 2009, 2010, 2011, 2012 онуудад хүртээд байсан юм. Криштиано Роналдо 27.76 хувийн санал авсан бөгөөд тэрээр 2008, 2013, 2014 оны шилдэг хөлбөмбөгч болж байсан. Неймар 7.86 хувийн санал авчээ.