БНСУ-ын домогт жүдоч олимпийн наадмын алт, мөнгөн медальт, ДАШТ-хошой алт, нэг хүрэл, Азийн наадмын хошой аварга, Азийн 6 удаагийн аварга Ким Жэ-Бум Монголд ирлээ.

Тэрбээр өчигдөрөөс эхлэн жүдо бөхийн шигшээ багийн хамт олонтой хамтарсан бэлтгэл хийж байна.

БНСУ-ын улсын аварга шалгаруулах тэмцээн ирэх сард болох учир тэрбээр бэлтгэлээ Монголд базаахаар төлөвлөжээ. Түүний хувьд өөрийн бэлтгэл хангагчийн хамт ирсэн аж.