Уг тэмцээний журмын дагуу багууд дараа улирлын лигт оролцох хүсэлтээ албан бичгээр ирүүлэх ёстой аж. Энэ дагуу Үндэсний супер лигийн журмыг даган мөрдөх, хамтран ажиллах гэрээ байгуулжээ. Тухайлбал, ирэх улирлын лигийн аварга шалгаруулах тэмцээнд Спрайт супер лигт амжилттай оролцон Зүүн бүсийн аваргаар тодорсон Доржпүрэв эзэнтэй Төв аймгийн “Төв Ургац” баг дэвшин тоглох эрх авсан. Мөн баруун бүсийн Аваргын төлөө өрсөлдөж байгаа “Капитал банк” баг болон “Хасу Мегаватт” багуудын хожсон баг нь Үндэсний супер лигт тоглох эрхтэй болох юм. Үүнээс гадна Дээд лигийн гурван удаагийн аварга “Лидер” баг Үндэсний супер лигт эргэн ирэхээр болсон аж.