Дэлхийн бөхийн нэгдсэн холбоо буюу UWW-ээс тамирчдын чансааг шинэчлэн гаргалаа. ДАШТ-д манай бөхчүүд амжилттай барилдсаны ачаар чансаанд эзлэх байраа үлэмж ахиулсан байна.

Тодруулбал, Монголын 11 хүчтэн дэлхийн чансааны эхний 20-д эрэмбэлэгджээ. Манай бөхчүүдээс энэ жилийн дэлхийн дэд аварга С.Цэрэнчимэд, жиндээ тавд бичигдэн олимпийн эрхээ авсан О.Насанбурмаа нар хамгийн өндөр буюу дөрөвт бичигдсэн байна. Харин энэ жил тивийн аварга болж, дэлхийгээс хүрэлтэй ирсэн Э.Бэхбаяр тавдугаар байр руу дэвшлээ.

Тамирчдын энэхүү чансаа олимп, ДАШТ-ий сугалаанд чухал нөлөөтэй байдаг. Хэрэв жиндээ дээгүүр бичигдсэн бол хэсэг ахалж, харьцангуй гайгүй өрсөлдөгчтэй таарах боломж бүрддэг юм. чансааны эхний 20-д Монголоос ямар бөхчүүд багтсаныг сонирхуулъя.