Сүүлийн жилүүдэд Монгол улсад “3 эсрэг 3” сагсан бөмбөгийн тэмцээн хөгжиж, шилдэг багуудыг тодруулдаг уламжлалтай болсон. Тэгвэл энэ сарын 12-18-ны өдрүүдэд БНХАУ-н Мүгдүн хотноо болох Азийн аварга шалгаруулах “3 эсрэг 3” тэмцээнд манай улсын эрэгтэй, эмэгтэй нийт дөрвөн баг тамирчид оролцохоор болсон байна.

Тус тэмцээнд Монголын Үндэсний сагсан бөмбөгийн холбоо болон Монголын оюутны спортын холбоо хамтран оролцох ба багийн дасгалжуулагчаар С.Тулга, О.Баярцогт, Ц.Цэвэрбал, Ю.Бүрэнтэгш нар ажиллаж баг тамирчид маргааш урд хөршийг зорих аж.