Улсын наадамд түрүүлж, үзүүрлэсэн, шөвгөрсөн бөхчүүдэд сэргээшийн шинжилгээ хийдэг билээ. Наадам өнгөрөөд хоёр сарын хугацаа өнгөрч байгаа ч энэ талаар албаныхан ямар нэгэн тайлбар хийгээгүй байна. Өнгөрсөн жилийн хувьд улсын начин цол хүртсэн Д.Адъяабат, Б.Суманчулуун нараас допинг илэрч Ерөнхийлөгчийн зарлигаар цолыг нь хүчингүй болгосон. Тэдний хувьд өнөө жилийн наадамд аймгийн арслан цолтой барилдсан юм. Бөхчүүдийн сэргээшийн шинжилгээг Солонгос улсад хийдэг бөгөөд энэ жилийн наадамд шөвгөрсөн бөхчүүдийн шинжилгээний хариу нь  хэзээ ирэх нь тодорхойгүй байна.