Ердөө 44 хоногийн дараа Бразил улсад хөл бөмбөгийн дэлхийн аварга шалгаруулах тэмцээн эхлэх гэж байна. Шилдэг 32 баг өрсөлдөх уг тэмцээнд ямар баг түрүүлэх бол гэж олон хүн дор бүртээ догдлон таавар дэвшүүлж суугаа. Тэгвэл үүнээс гадна тус тэмцээний сүлд дуу албан ёсоор клиптэйгээ олны хүртээл болж эхэллээ. Энэхүү дууг 2010 оны дэлхийн аварга шалгаруулах тэмцээний сүлд болох “Waka Waka” дууг дуулсан дуучин Шакира дуулж хөл бөмбөгийн үнэнч фанатуудад хүргэж байгаа бөгөөд энэхүү дуу “Dare La La La” нэртэй юм байна. Түүний шинэ дууны клип нь хөлбөмбөгийн тэмцээний торгон агшнуудыг харуулснаараа онцлогтой.