1953 оны 4 сарын 8-ны энэ өдөр Аргентиний хөлбөмбөгчин Оскар Ортиз мэндэлжээ. О.Ортиз бол Хөлбөмбөгийн ДАШТ-нд Аргентиний шигшээ багийн хамт 1978 онд түрүүлж, дэлхийн аварга цолыг эзэмшсэн хөлбөмбөгчин юм. 1971 онд Аргентиний Лигийн Сан Лоренсо багт тоглож эхлүүлжээ. Сан Лоренсо багт 5 жил тоглоод Бразилийн Гремио багт очсон байна. Бразилийн лигт 1 жил тоглоод нутгийнхаа хамгийн хүчирхэг баг Ривер Плейтэд иржээ. Дараа нь 1981 онд Аргентиний лигийн Уракан багт, 1982-1983 онуудад Индепельенте багт тус тус тогложээ. Клубын түвшинд О.Ортиз Сан Лоренсо багийн хамт 3 удаа, Ривер Плейтэд багийн хамт 4 удаа цом өргөсөн байна. Аргентиний шигшээ багт 1975-1979 оны хооронд тоглож байжээ. 1978 оны Аргентинд болсон ДАШТ-нд аваргын алтан медаль хүртсэн. Аргентиний шигшээ багийн төлөө нийт 23 тоглолтонд оролцож, 3 гоол өөрийн нэр дээрээ бүртгүүлжээ.