Монголын чөлөөт бөхийн холбоо 2011 онд олон улсын А зэрэглэлийн тэмцээн болох “Mongolian open”-ыг анх удаа зохион байгуулж байсан билээ. Жил бүр уламжлал болгон зохиодог тус тэмцээнд 14 орны бөхчүүд өрсөлдөнө гэдгээ албан ёсоор мэдэгдсэн байна. Тэмцээнд өрсөлдөх Польш, Казахстан, Беларусийн эмэгтэй шигшээ баг тамирчид аль хэдийнээ манай улсад ирж хамтарсан бэлтгэл хийж эхэлсэн юм. Тэгвэл Казахстаны эрэгтэй баг ч саяхан ирж шигшээ баг тамирчидтай бэлтгэлд гарчээ. Тэмцээний бэлтгэл ажил бүрэн хангагдсан талаар Монголын чөлөөт бөхийн холбооны ерөнхий нарийн бичгийн дарга О.Баянмөнх мэдэгдлээ.