Испанийн алдарт “Барселона” клуб өнгөрсөн шөнө талбай дээрээ Английн “Манчестер Сити” клубыг хүлээж авч, 1:0-ээр буулгаж авсанаар шөвгийн наймд шалгараад байгаа билээ. Тэгвэл тус клубын дасгалжуулагч Луис Энрике энэ тоглолтын талаар болон ирэх ням гарагт “Реал”-ын эсрэг хийх “Эль класико”-гийн талаар байр сууриа хуваалцжээ.

Тэрбээр “Бид өнөөдөр маш олон боломж гаргасан. Хамгийн гол нь манай баг зорилгодоо хүрч, “Сити”-г буулгаж авснаар дараагийн шатанд үлдлээ. Одоо бидэнд “Реал”-тай хийх тоглолт чухал байна. Тийм ээ, бид энэ тоглолтод хожиж, фэнүүддээ бэлэг барихыг хүсч байгаа. Манай баг талбай дээрээ тоглох болохоор давуу тал болно” хэмээн ярьжээ.