Энэ сарын 21-ний бямба гарагт Монгол бөхийн өргөөнд Казах түмний Наурызын баярт зориулсан Баян-Өлгий аймгийн нэрэмжит үндэсний бөхийн уламжлалт барилдаан болно. Барилдаанд аймаг, цэргийн алдар цолтой 256 бөх уран мэхээ уралдуулан, хүчийг үзэн барилдана. Монгол бөхийн өргөөнд Наурызын баярт зориулсан бөхийн барилдааны дараа буюу гуравдугаар сарын 22-ны 12 :00 цагт сар бүр зохион байгуулдаг уламжлалт сумын цолтон залуу бөхчүүдийн барилдаан болох аж.