Дастин Жонсон мэргэжлийн гольфийн холбооны 11 дэх тэмцээндээ түрүүллээ
Мэргэжлийн гольфийн Кадиллакын ашт-ний сүүлийн шатны тоглолтууд өчигдөр боллоо. Энэ жил тус тэмцээнд талбайн эзэн орны тамирчин Дастин Жонсон түрүүлсэн байна.
Нийт 9 сая 250 мянган америк долларын шагналын сантай дэлхийн голфийн аварга шалгаруулах тэмцээний цуврал Кадиллак чампионшип тэмцээний аварга өчигдөр тодорлоо. Нэгдсэн улсын Майами хотноо болсон уг тэмцээнийг эхний 3 шатны дараачаар талбайн эзэн орны ЖиБи Холмес тэргүүлж байлаа.Гэхдээ Америк эр сүүлийн өдөр ердөө ганц бөрди пат-аа амжилттай болгож 4 удаа бөгие цохилт хийн оноо алджээ, Тэгвэл тэргүүлэгчийн бүдрэлтийг түүний нутаг нэг Дастин Жонсон тун сайн ашиглаж чадсна юм. Жонсон энэ өдөр 69 цохилт хасах 3 оноо цуглуулж хүснэгтийн тэргүүн байранд бичигдсэн байна.Дастин Жонсон өнгөрсөн оны 7-р сараас хойш хувийн асуудлын улмаас олон тэмцээнүүдийг өнжөөд байсан. Харин өнгөрсөн сард эргэн ирж ПиЖиЭй тур-ын 5 дахь тэмцээндээ оролцсон нь энэ байлаа.Тэрээр энэ өдөр 4 удаа бөрди паттаа амжилттай болгосон..Өөрөөр хэлбэл 4 хасах оноо цуглуулсан гэсэн үг. Улмаар ЖиБи Холмесоос ердөө 1 цохилтын дутуу хүснэгтийг тэргүүлж Кадиллакын аварга шалгаруулах тэмцээний цомыг өргөжээ, Ийнхүү 30 настай Америк эр карерийнхаа 11 дэх ПиЖиЭй тур-ын түрүүгээ авлаа.Мөн тэрээр шагналын сан 1 сая 570 мянган америк доллараар дансаа зузаалсан бол 2-р байранд нутаг нэг Жи Би Хомес, 3-т мастеруудын тэмцээний аварга Буба Уатсон оржээ, Харин тэмцээний гол анхаарлын төвд байсан Хойд Ирландын Рори Маклрой хүснэгтийн 9-д бичигдэн тэмцээнээ дуусгажээ.