Монголын даамын холбооны 2015 оны өсвөр үеийн улсын аварга шалгаруулах тэмцээн амжилттай болж өндөрлөлөө. Тус тэмцээн нь Монгол хүүхдийн спортын V наадмын хүрээнд зохион байгуулагдсан юм. Тэмцээнд нийт 360 орчим даамчид өрсөлдлөө. Өсвөр үеийн улсын аварга шалгаруулах даамны тэмцээний хөвгүүдийн 5-7 насны ангилалд Увс аймгийн Н.Содбаяр, 8-10 насны ангилалд Баянзүрх дүүргийн Б.Энхрийлэн, 11-13 насны ангилалд Өмнөговь аймгийн С.Мөнх-Оргил, 14-16 насны ангилалд Дархан-Уул аймгийн Ж.Дөлгөөн нар эхний байранд орсон юм.

     Харин охидоос 5-7 насны ангилалд Увс аймгийн Б.Ану, 8-10 насны ангилалд Завхан аймгийн Г.Ууганжаргал, 11-13 насны ангилалд Хэнтий аймгийн Г.Дүүрэнбилэг, 14-16 насны ангилалд Баянзүрх дүүргийн Г.Хэрлэнмөрөн нар бусдыгаа тэргүүллээ.

  Аваргын медальтнууд ирэх дөрөвдүгээр сард Узбекстаны нийслэл Ташкентад болох Азийн АШТ, арваннэгдүгээр сард Нидерландын Хикен хотод болох ДАШТ-д оролцоно