Олимпийн таеквондогийн насанд хүрэгчдийн 22 дахь удаагийн улсын аварга шалгаруулах тэмцээн спортын төв ордны А зааланд 2015 оны 2-р сарын 24-25-ны өдрүүдэд зохион байгуулагдаж байна.Тэмцээнд Арслан, Олимп, Эрд уул, Нэгэн бүл, ҮБТДС, Алдар спорт хороо, Хамгаалалтын газрын Харцага клуб, Багануур, Налайх , Булган, Говь-Алтай, Баян-Өлгий, Ховд, Сэлэнгэ, Хөвсгөл, Хэнтий аймаг гэх мэт олон газраас нийт 190 тамирчин эрэгтэйчүүдийн 8 жин, эмэгтэйчүүдийн 6 жинд оролцож хурд хүч авхаалж самбаагаа сорин өрсөлдөж байна. Тэмцээний тоног төхөөрөмж нь БНСУ-д үйлдвэрлэсэн “Ай кросс” компаний цахим цээж, толгойн хамгаалах хэрэгслэлийг ашиглан шүүн явуулж байна. Таеквондогийн холбоо 2015 ондоо 12 тэмцээн зохион байгуулах төлөвлөгөө гаргасан байна. Монголын таеквондогийн шигшээ баг 3-р сард Голланд улсад зохиогдох Дайч опен , 5-р сард ОХУ Челябинск хотноо зохиогдох Дэлхийн аварга шалгаруулах тэмцээнүүдэд оролцохоор бэлтгэл сургуулилтаа базааж байна. Олимпийн таеквондогийн насанд хүрэгчдийн тэмцээн нь маргааш аваргаа тодруулах юм байна.