Мэргэжлийн сумогийн Хацу башёгийн 13 дахь өдрийн барилдаанд Хакухо М.Даваажаргал Японы озэки Кисэносатотой барилдаж улмаар ойролцоо унаж маргаан гарсан юм. Шүүгч нар дэвжээн дээр хэлэлцэж, дахин барилдуулснаар Хакухо М.Даваажаргал озэки Кисэносатог илт давуугаар давсан юм. Ингэснээр Их аварга Хакухо М.Даваажаргал 33 дахь түрүү авах нь тодорхой болж Тайхо аваргын 32 түрүүлсэн амжилтыг эвдэж түүхэн амжилт тогтоолоо.