Ардчилсан хувьсгал үүсч, Монголын Ардчилсан Холбоо байгуулагдсаны 25 жилийн ойд зориулсан уламжлалт барилдаан өчигдөр “Монгол бөхийн өргөө”-нд боллоо. Энэ удаагийн барилдаанд улсын аварга С.Мөнхбат, Г.Эрхэмбаяр, улсын арслан Х.Мөнхбаатар, Н.Батсуурь, П.Бүрэнтөгс, улсын гарьд Ж.Бат-Эрдэнэ тэргүүтэй улс, аймгийн алдар цолтой 224 бөх зодогложээ. Барилдааны түрүү бөхөөр Сэлэнгэ аймгийн Мандал сумын харьяат, “Таванхан” дэвжээ, “Ноёд” групп, “Мондэй” группийн бөх, улсын аварга Г.Эрхэмбаяр болсог бол  Увс аймгийн Давст сумын харьяат, “Увс нуур” дэвжээ, улсын арслан П.Бүрэнтөгс үзүүрлэсэн байна.