Бодибилдинг, фитнессийн ДАШТ Энэтхэг улсын Мумбай хотноо үргэлжилж байна. Тус тэмцээнд манай улсаас эх орноо төлөөлөн найман тамирчин өрсөлдөж байгаа юм. Уржигдар  эрэгтэйчүүдийн 85кг-ын мистер 41-ээс дээш насны ангилалд Ж.Нурлан түрүүлж дэлхийн аварга боллоо. Монгол Улсын анхны бодибилдингийн дэлхийн аварга болсон тэрбээр 1991 оноос хойш уг спортоор хичээллэж эхэлсэн. 2004,2005,2006,2012 оны УАШТ-ний үнэмлэхүй аварга “Монголын мистер”, ААШТ-нээс 2012 онд тавдугаар байр, 2013-2014 оны хошой хүрэл медальтай.  Манай тамирчид өнгөрсөн жилийн дэлхийн аваргаас фитнесс модель ангилалд Б.Оюунгэрэл, хүрэл медаль хүртэж, Л.Саруулбат, Бат-Эрдэнэ, Г.Дорж нар тавдугаар байрт шалгарч байсан юм. Тэмцээн энэ сарын 10-нд өндөрлөнө.