“Шонхор” биеийн тамирийн дээд сургууль өнгөрсөн жилээс эхлэн оюутан тамирчдын дунд “Шонхор кап” тэмцээнийг зохион байгуулж эхэлсэн. Тэгвэл энэ жилийн тэмцээн амжилттай болж өндөрлөлөө. Тэмцээнд нийт 21 их, дээд сургуулийн 235 тамирчинаас гадна ОХУ-ын Якутаас бөхчүүд ирж тэмцээнийг илүү өрсөлдөөнтэй болгосон юм. Тэмцээний багийн дүнгээр н.Болд-Эрдэнэ дасгалжуулагчтай МУБИС-ийн бөхчүүд тэргүүлж, н.Дорждагва дасгалжуулагчтай ҮБТДС, Отгонбаатар дасгалжуулагчтай “Шонхор” биеийн тамирын дээд сургуулийн тамирчид удаалсан байна.