Испанийн эзэн хааны "Реал Мадрид" клуб Ла лигийн хүрээнд "Эйбар"-ыг 4-0 ээр хожсоноор 30 оноотой болон тэргүүлчийн байр сууриндаа хэвээр үлдлээ. Энэ тоглолтонд хоёр бөмбөг эсрэг багийн хаалганд хийсэн Кристиану Роналду Испанийн Ла лигийн бүх багийн эсрэг гоолдсон анхны тоглогч боллоо.
Түүний хувьд 2009 онд "Ман Юнайтед"-аас "Реал Мадрид"-д ирсэн цагаасаа хойш нийтдээ 52 өөр өрсөлдөгч багтай тулсан бөгөөд үүнээс 51 багийнх нь хаалганд +1 гоол оруулсан байна. Түүний гоолдож чадаагүй ганц баг нь аваргуудын лигийн хүрээнд тоглосон "Динамо Загреб" болоод байгаа гэнэ. Энэ улирлын ла лигийн мэргэн буучдын жагсаалтыг 20 гоолтойгоор тэргүүлж буй Роналду энэ хугацаанд Ла лигт нийт 29 өөр багийн эсрэг тоглож бүгдийнх нь хаалганд гоолоо шигтгэжээ.