Зургаан тамирчин шатрын ДАШТ-нд өрсөлдөнө
Сурагчдын дэлхийн аварга шалгаруулах шатрын тэмцээн Бразил улсын Жуис де Фора хотноо арваннэгдүгээр сарын 26-наас арванхоёрдугаар сарын 4-ний өдрүүдэд болно. Тус тэмцээнд оролцох Монгол Улсын шигшээ багийн тамирчдын нэрс тодорчээ.б
Багийн ахлагчаар Ц.Батболд, дасгалжуулагчаар ФМ Н.Төвсанаа, спорын дэд мастер Ч.Баттүвшин нар ажиллах аж. Дэлхийн аварга шалгаруулах тэмцээнд эрэгтэй, эмэгтэй зургаан тамирчин оюуны цэц сорихоор болжээ. Эдгээр тамирчдад:
1. Батсайхан Энхсаран (7 нас охид)
2. Лхагважамц Очирбат (7 нас хөвгүүд)
3. Батдэлгэр Одгэрэл (7 нас хөвгүүд)
4. Ганганбарс Маралгуа(8-9 нас охид)
5. Болдбаатар Алтантуяа (8-9 нас охид)
6. Дамбасүрэн Батсүрэн (10-11 нас хөвгүүд) нар оролцох юм. Баг тамирчид энэ сарын 22-ны өдөр буюу ирэх бямба гаригт эх орноосоо мордох ажээ.