УИХ-ын гишүүн, Монголын жудо бөхийн холбооны ерөнхийлөгч Х.Баттулга Олон улсын жудо бөхийн холбоо /IJF/-ны Бодлого хэрэгжүүлэх зөвлөлийн захирлаар томилогджээ. Энэ томилгоог IJF саяхан болсон удирдах зөвлөлийн хурлаасаа гаргаж, өнгөрсөн баасан гарагт Монголын жудо бөхийн холбоонд албан ёсоор мэдэгдсэн байна. Х.Баттулга Монголын жудо бөхийн холбооны ерөнхийлөгчөөр ажиллаж, спортын энэ төрөлд шинэ менежмент нэвтрүүлснээс хойш тив, дэлхийн болоод Олимпын наадамд манай баг амжилттай оролцож, чансаагаараа эхний тавд бичигдсэн билээ.