Маргаашийн оргил барилдааныг Какүрюү М.Ананд, Ичиножёо А.Ичинноров нар хийнэ
Японы мэргэжлийн сүмо бөхийн арваннэгдүгээр сарын Кюүшюү башёгийн тав өдрийн барилдаан болж дууслаа. Мэргэжлийн сүмогийн 69 дэх их аварга Хакүхо М.Даваажаргал өнөөдөр Тоёохибикитэй барилдаж уватанаге мэхээр ээлжит даваагаа авсан байна. Харин 70 дахь аварга Харүмафүжи Д.Бямбадорж хоёр дараалан унаад байсан хар цувралаа зогсоож Икиойг давлаа. Какүрюү М.Ананд аварга өнөөдөр Такарафүжиг давж таван даваатайгаар тэргүүлсээр байна. Япон озеки Кисеносато, Котошёогикү нар өнөөдөр унаж, Гойёдо давсанаар Монголын хоёр аварга ганц ч унаагүй тэргүүлсээр байна.
Шинэ сакивакэ Ичиножёо А.Ичинноров өнөөдөр маэгашира Такиказег давсанаар гурван даваа, хоёр унаатай боллоо. Маргааш Хакүхо аварга Такаясүтэй , Харүмафүжи аварга Кайсэйтэй барилдах бол оргил барилдааныг Какүрюү М.Ананд Ичиножёо А.Ичинноров нар хийхээр болжээ.