Зуун буудалт даамын өсвөрийн Дэлхийн аварга шалгаруулах тэмцээн өчигдөр(10.26) Эстони улсын нийслэл Таллинн хотноо эхэллээ. Тэмцээнд 14 орны 128 өсвөрийн даамчид оролцож байгаагаас манай улсаас 12 тамирчин өрсөлдөж байна. 8-10, 11-13 насны ангиллаар явагдаж буй уг тэмцээний аваргууд ирэх арваннэгдүгээр сарын 1-д тодрох юм.

Тэмцээний эхний өрөгт хөвгүүдийн 8-10 насанд Б.Баярманлай, 11-13 насанд Ц.Чинзориг, охидын 8-10 насандБ.Мөнхжин, 11-13 насанд Г.Дүүрэнбилэг, С.Энхтүвшин нар эхний хожлоо авчээ.