Азийн пара наадамд оролцсон тамирчид эх орондоо ирлээ
Азийн пара наадамд оролцсон Монголын баг тамирчид өчигдөр эх орондоо ирлээ. Тэд "Инчион-2014" наадамд спортын есөн төрлөөр өрсөлдөж, хоёр алт, нэг мөнгө, найман хүрэл медаль хүртсэн. Манай эмэгтэй жудочид Азийн наадамд түүхэн амжилт гаргасан нь багийн төрөлд өрсөлдсөн эмэгтэй жудочид өрсөлдөгчөө ялж эх орныхоо төрийн далбааг Инчионы тэнгэрт мандуулсан билээ. Тэд Тайландыг 2:1, Хятадыг 3:0, Энэтхэгийг 3:0-ээр тус тус хожсон байна. Эмэгтэй жудочдын багийн бүрэлдэхүүнд Б.Болортунгалаг, Б.Хашцэцэг, Г.Оюун, Н.Алманцэцэг нар багтжээ. Харин А.Мөнхбат, Б.Ууганхүү, Д.Ганбат, Д.Эрдэнэбаяр, Э.Даваадагва, Л.Эрдэнэбаяр, З.Хосбаяр нарын бүрэлдэхүүнтэй эрэгтэй баг хагас шигшээд Ираны багт 3:2-оор хожигдож, хүрэл медалийн төлөө Тайландыг 5:0-ээр ялж хүрэл медаль хүртсэн юм