Английн алдарт “Манчестер Юнайтед” багийн туслах дасгалжуулагч Райн Гигз Премьер лигийн түүхэнд хүлээн зөвшөөрөгдсөн домогт тоглогчдын эгнээнд албан ёсоор бичигдэх боллоо. Тэрбээр “Хөлбөмбөгийн домог” шагналаар шагнагдлаа. Ингэснээр Улаан чөтгөрүүдийн бүрэлдэхүүнээс энэхүү нэр хүндтэй шагналыг авч буй дөрөв дэх  тоглогч болж байгаа юм. Өмнө нь Сер Алекс Фергусон, Эрик Кантона, Денис Лов нар уг шагналыг хүртэж байжээ. Гигз  өнгөрсөн жил тоглогчийн хувиар зодог тайлсан бөгөөд одоогоор Манчестер Юнайтедын туслах дасгалжуулагч хийж байгаа юм.