Арабын нэгдсэн Эмират улсад буудлагын оюутны дэлхийн аварга шалгаруулах тэмцээн амжилттай болж өндөрлөж манай тамирчид ганзага дүүрэн ирлээ. Энэ удаагийн дэлхийн аваргад манай улсаас 10 гаруй хүний бүрэлдэхүүнтэй баг оролцож нэг мөнгө, хоёр хүрэл медаль хүртсэн байна. Эмэгтэйчүүдийн гар бууны 25 метрийн дасгалд ОУХМ Т.Баярцэцэг мөнгөн медалийн эзэн болсон бол эрэгтэйчүүдийн хийн гар бууны дасгалд ОУХМ Э.Даваахүү хоёр хүрэл медаль хүртжээ.