Монголын сэтгүүлзүй болоод соёл урлагийн салбарын түүчээ болсон урлаг соёлын мэдээ, мэдээллийн нэгдсэн URLAG.mn сайт, "Монголын сайтын холбоо" ТББ, Монгол поп опера "Увертюра" хамтлаг нар хамтран 5-н жилийн ойгоо өргөн дэлгэр тэмдэглэн өнгөрүүлэх гэж буйгаа зарласан билээ. Энэхүү ойн хүрээнд Их Эзэн Чингис хааны талбайд есдүгээр сарын 24-нд буюу өнөөдөр Рок поп, Хип хоп, Амьд хөгжмийн оддын нэгдсэн тоглолт болж байна.

   Та бидний хайрлаж хүндэлж, бишрэн, шүтдэг олон арван алдартай уран бүтээлчид энэхүү тоглолтонд уригдан оролцож байгаа бөгөөд түмэн олны сэтгэлд хоногшсон хит дуунууд тоглолтын тайзнаа эгшиглэх гэж байна. Ийнхүү тоглолтын зохион байгуулагчид 5-н жилийн ойн бэлэг болгож тус тоглолтыг мянга мянган уншигч, үзэгч, сонсогчиддоо зориулан үнэ төлбөргүйгээр зохион байгуулж байгаа юм. Ингээд та бүхэндээ хамтарсан талархлын баярын шоу тоглолтонд оролцох уран бүтээлчдийн нэрсийг алдаршуулан танилцуулж байна.

   Түмэн олныгоо “Найрсаг Улаанбаатарын төлөө” уриан дор нийслэлийнхээ төв талбайдаа цуглаж нэгэн үдшийг доргио өнгөрүүлж, URLAG.mn сайт, "Монголын сайтын холбоо" ТББ, Монгол поп опера "Увертюра" хамтлагийн 5-н жилийн хамтарсан талархлын баярыг хамтдаа тэмдэглэхээр сэтгэл зүрхээрээ нэгдэхийг уриалж байна.