Монголын кино урлагийн салбарын уран бүтээлчдэд алга ташин баяр хүргэмээр сайхан мэдээ сүүлийн үед чих дэлсэх болов. Кино нь олон улсын хэмжээний наадмын шагнал хүртэж байгаагаас гадна уран бүтээлчид нь мэргэжил мэдлэгээ дээшлүүлэхээр гаднын улс орноос туршлага судлан явна.

Жүжигчин Б.Амарсайхан “Нэтфликс” компанийн санхүүжилтээр хийх “Марко Поло” киноны Ариг бөхийн дүрд тоглохоор болсон тухай сарын өмнөөс мэдээлж байсан бол уржигдар кино зураглаач Д.Ангараг Холливудын нэгэн шинэ киноны зургийн найруулагчаар ажиллах болсноо “Фэйсбүүк” хуудсаараа дамжуулан зарласан юм.

Түүнчлэн тэрбээр Америкийн кино зураглаачдын холбооноос зохион байгуулдаг “ASC master class-14” семинарт оролцож байгаа гэнэ.