Америкийн RnB дуучин, хөгжмийн продюссер, жүжигчин, Бейонсе Ноулз 33 нас хүрч байна. Тэрбээр хүүхэд байхаасаа янз бүрийн дуу, бүжгийн уралдаанд орж, сургуулийнхаа урлагийн тоглолтод оролцдог байжээ. Бейонсе 1990-ээд оны сүүлээр Destiny child хамтлагийн гоцлол дуучны хувиар ихэд алдаршсан юм. Хамтлаг тарж эхлэх үеэр Бейонсе 2003 онд Dangerously in love анхны бие даасан цомгоо гаргажээ.  Энэ цомог түүнд таван "грэмми" шагнал авчирсан юм. Дуулахаас гадна Бейонсе кинонд тоглож, өөрийн нэрийн хувцасны загвар зохион бүтээдэг бөгөөд 2010 онд Forbes сэтгүүл түүнийг хамгийн нөлөө бүхий 100 алдартны хоёрт эрэмбэлсэн байна.