"Эко Азиа Мюзик фестиваль" төрийн бус байгууллагаас ирэх сарын 5, 6-нд олон улсан хөгжмийн наадам зохион байгуулах гэж байна. Энэ наадмын гол зорилго нь байгаль дэлхийгээ хайрлан хамгаалахыг уриалж, наадмын орлогоос цөлжилттэй нутгуудад мод тарих ажлыг эхлүүлэх гэнэ. Тус хөгжмийн наадамд дэлхийн чансаатай 10 гаруй уран бүтээлчийг оролцуулахаар төлөвлөснөөс одоогоор алдарт "Black Eyed Peas" хамтлагын ахлагч Will.I.Am ирэх нь тодорхой болсон байна. Наадмын нэг өдрийн тасалбар 60 мянга бол хоёр хоногийнх 90 мянган төгрөг гэнэ.