“Opera World” цахим хуудас 2023 оноос одоо ид дуулж, томоохон театруудад тоглож байгаа дэлхийн шилдэг дуурийн дуучдыг хоолойн төрлөөр нь таван ангилалд хуваан тодруулж байгаа аж. Тэгвэл энэ жилийн дэлхийн шилдэг баритон дуучны жагсаалтыг Э.Амартүвшин нийт 5900 оноогоор тэргүүлжээ. Шилдгүүдийн жагсаалтад багтахын тулд тухайн дуучин Ла Скала, Метрополитан, Парисын үндэсний дуурийн театр, Баварийн улсын дуурийн театр зэрэг томоохон театруудад тоглосон байх ёстой бөгөөд дуурийн театр, фестиваль, концертын их танхим зэрэгт тоглох бүрд нь мэргэжлийнхэн 100 оноо нэмж, нийт 52 долоо хоногийн туршид үзүүлсэн амжилт, цуглуулсан оноогоор нь эцсийн дүнг гаргадаг байна.

Э.Амартүвшингийн дараа жагсаалтын хоёрт орсон Францын дуучин 5200, гуравт орсон Оросын дуучин 4800 оноотойгоор удаалжээ.