Төрийн одон, цол, тэмдэг үнэ цэнээ алдсан гэдгийг хэн хүнгүй мэдэж, хаа сайгүй ярих болсоор удаж байна. Үүнтэй хичнээн тэмцээд ч тусыг эс олсон хүмүүс эцэстээ гавьяа шагналаас татгалзах болсон. Тэдний нэг нь Дижитал хамтлагийн дуучин Г.Эрдэнэбилэг юм. Тэрбээр дуучдын хамгийн түрүүнд хүртдэг СТА цолыг хэзээ ч авахгүй гэдгээ мэдэгдсэн аж.

Энэ тал дээр нэлээд хатуу байр суурьтай байдаг тэр хийсэн бүтээснээ арай өөрөөр үнэлүүлэхийг хүсдэг бололтой. Хэн ч танихгүй хүнд цол, шагнал өгч байгаад дүргүйцсэн Эрка өмнө нь хоёр ч удаа энэ цолноос татгалзаж байсан удаатай.